SEO nedir? SEO “Search Engine Optimization”, yəni axtarış sistemi optimizasiyası sözünün qısaltmasıdır. Lakin bu ifadə sizi çaşdırmasın, SEO zamanı optimizasiya olunan axtarış sistemi yox, veb saytlardır. SEO-nun məqsədi veb saytları Google, Yandex, Yahoo, Bing kimi axtarış motorlarında qabağa çıxartmaqdır. Bu sayədə markalar öz hədəf kütlələrinin həyata keçirdiyi Google axtarışlarında istifadəçilər tərəfindən daha rahat tapıla bilən ola bilərlər. Google axtarışlarında ilk sırada çıxan markalar hədəf kütlənin böyük bir hissəsini özünə cəlb edərək daha çox müştəri və qazanc əldə edə bilir.
SEO-nun məqsədi:
- Saytı hədəf açar sözlər üzrə Google axtarışlarında ilk sıralara gətirib sayt trafikini artırmaq
- Məhsul və xidmətlər üzrə satışları artırmaq
- Rəqabət gücünü artırmaq
- Brendinqi möhkəmləndirmək
SEO nedir sualı qədər, onun necə edildiyi də insanlar tərəfindən axtarılan suallardan biridir.
SEO etmək üçün axtarış motorlarının necə işlədiyini, axtarış motorlarının bir veb saytı necə görüb anladığını bilmək çox vacibdir. Daha sonrasında isə SEO-nun 3 əsas qolunu bilmək lazımdır. Bunlar:
- Sayt daxili SEO (On-Page SEO)
- Sayt xarici SEO (Off-Page SEO)
- Texniki SEO (Technical SEO)
SEO-nun bu 3 əsas qolunu öyrənmək, bir SEO prosesində nələrə fokuslanmaq lazımdır sizlərə göstərəcək. Qısaca izah etsək
Sayt daxili SEO zamanı:
- Saytdakı səhifələrin mövzu başlıqları, səhifə başlıqları, meta məlumatları, URL strukturu, şəkillər, məzmunlar, daxili linklər, məzmun bölgüləri kimi bir çox detala fokuslanılır
- Açar söz araşdırması edilərək saytda hansı açar sözlərin hədəflənməli olduğu müəyyən edilir
- Mövcud məzmunlar audit edilərək lazımdırsa mövzu başlıqları, meta başlıqlar, məzmunun özü, şəkillər, daxili linklər və ya URL-ində dəyişikliklər edilir
- Rəqib araşdırması edilərək rəqiblərin ən çox trafik çəkdiyi açar sözlər, səhifələr müəyyən edilərək onlara uyğun strategiya qurulur
Bu işlər sayt daxili SEO zamanı edilən işlərin bir hissəsidir.
Sayt xarici SEO zamanı isə:
- Rəqiblər analiz olunaraq rəqiblərin backlink profilləri öyrənilir
- Rəqiblərin anchor mətnləri analiz olunur
- Güclü, sektorla əlaqəli və yüksək trafik çəkən saytlardan backlinklər alınır
Bu işlər sayt xarici SEO zamanı edilən işlərin bir hissəsidir.
Texniki SEO zamanı isə:
- Sayt detallı audit olunaraq texniki xətalar müəyyən olunur
- Yönləndirmə döngüləri, URL strukturlarındakı xətalar, Schema xətaları, UX/UI xətaları, dublikat məzmun xətaları, sayt sürətini aşağı salan problemlər kimi bir çox detal bu mərhələdə diqqətlə analiz olunur
- Bu mərhələdə SEO mütəxəssisi markanın IT komandası ilə yaxından işləyərək texniki xətaları aradan qaldırır.
Bu 3 prosesə əlavə olaraq görülən bir çox iş var ki, bu işlər SEO prosesinin nə qədər mürəkkəb olduğunu göstərir. Məzmunların analiz olunması, rəqib analizləri, sayt üçün semantik yanaşma ilə düzgün məzmun və SEO strategiyasını qurmaq, bazar analizi, UX/UI tövsiyyələri vermək üçün hədəf kütlənin analizi və hədəf kütləni tanımaq kimi bir çox kiçik görünən lakin çox mürəkkəb olan proseslər var. SEO-nu sadəcə onlayn alətlər vasitəsilə edilən auditdən çıxarılan xətaları aradan qaldırmaqdan ibarət görən köhnə yanaşma artıq nəticə vermir. Bu səbəbdən bu mürəkkəb SEO yanaşmaları haqqında məlumat sahibi olan SEO mütəxəssisləri ilə işləmək, nəticə əldə etmək üçün daha faydalı olacaq.
SEO nedir sualı ilə əlaqəli olaraq ən vacib məqamlardan birindən də bəhs etmək lazımdır. Bu isə, black hat SEO və white hat SEO konseptləridir. Black hat SEO Google kimi axtarış motorlarının qaydalarına zidd hərəkət edərək aqressiv strategiyalar ilə axtarışda ön plana çıxmağı ifadə edir. Bu strategiyalar hər nə qədər qısa müddətdə nəticə versə də, uzun müddətdə saytın axtarış motoru tərəfindən filtrlənməsi ilə nəticələnir və siz uzun müddətdə ciddi zərər görürsünüz. Bu səbəbdən white hat SEO yəni axtarış motoruna zidd olmayan və müasir SEO yanaşmaları ilə hərəkət edən SEO mütəxəssisləri işləyərək özünüzü risklərdən azad edə bilərsiniz.
Uzun sözün qısası, siz əgər veb saytınızı Google axtarışlarında ilk sıralara gətirmək istəyirsinizsə, mütləq SEO almalısınız. SEO ilə siz həm daha çox müştəriyə çatacaqsınız, həm də markanızı gücləndirəcəksiniz. Bundan əlavə olaraq axtarışda ilk sıralara gəldikdən sonra siz saytınız üçün ödənişli Google reklamlarınızı da dayandıra bilərsiniz. Onu da qeyd etmək lazımdır ki, axtarış nəticələrində ilk sıralara gəldikdən sonra bu nəticələri uzun müddət qorumaq mümkündür. Bu isə sizi yüksək reklam xərclərindən azad edəcək.